ബാന്ദ്ര റെക്ലമേഷനിലുള്ള പ്രശസ്തമായ നെവില് ഡിസൂസ ഫുട്ബോള് ഗ്രൗണ്ട് കണ്വെന്ഷന് ആന്ഡ് എക്സിബിഷന് സെന്ററാക്കി മാറ്റാനുള്ള നിര്ദ്ദേശത്തിന് ബൃഹന് മുംബൈ മുന്സിപ്പല് കോര്പ്പറേഷന് (ബി.എം.സി) ജനറല് ബോഡി അംഗീകാരം നല്കി. കായികതാരങ്ങളില് നിന്നും പ്രദേശവാസികളില് നിന്നും കടുത്ത പ്രതിഷേധം നിലനില്ക്കെയാണ് ഭരണസമിതിയുടെ ഈ നീക്കം. മുംബൈ ഡെവലപ്പ്മെന്റ് പ്ലാന് 2034 അനുസരിച്ച് 8,450 ചതുരശ്ര മീറ്റര് വരുന്ന ഈ മൈതാനത്തിന്റെ നിലവിലെ 'കളിസ്ഥലം' എന്ന തരംതിരിവ് മാറ്റി 'എക്സിബിഷന് സെന്റര്' ആക്കാനാണ് ബി.എം.സിയുടെ തീരുമാനം. നിര്ദ്ദേശത്തിനെതിരെ വ്യാപക പ്രതിഷേധം ഉയരുകയും മുംബൈ ഫുട്ബോള് അസോസിയേഷന് ബോംബെ ഹൈക്കോടതിയില് നിയമപോരാട്ടം ആരംഭിക്കുകയും ചെയ്തിട്ടുണ്ട്.
1956-ലെ മെല്ബണ് ഒളിമ്പിക്സില് ഹാട്രിക് നേടിയ ആദ്യ ഏഷ്യന് താരമായ നെവില് ഡിസൂസയുടെ പേരില് അറിയപ്പെടുന്ന ഈ ഗ്രൗണ്ട്, മുംബൈയിലെ പ്രാദേശിക-സംസ്ഥാന തല ഫുട്ബോള് മത്സരങ്ങളുടെ പ്രധാന കേന്ദ്രമാണ്.
ഫിഫ നിലവാരത്തിലുള്ള ആര്ട്ടിഫിഷ്യല് ടര്ഫോട് കൂടിയ ഈ കളിസ്ഥലം വാണിജ്യ ആവശ്യങ്ങള്ക്ക് വിട്ടുനല്കുന്നത് നഗരത്തിലെ തുറസ്സായ പൊതുഇടങ്ങള് ഇല്ലാതാക്കുമെന്ന് പരിസ്ഥിതി പ്രവര്ത്തകരും ചൂണ്ടിക്കാണിക്കുന്നു. എന്നാല് 1983-ലെ മാസ്റ്റര് പ്ലാന് പ്രകാരം ഈ സ്ഥലം എക്സിബിഷന് സെന്ററിനായി മാറ്റിവെച്ചതാണെന്നും, അതിനാല് മാറ്റത്തില് നിയമപരമായ തടസ്സങ്ങളില്ലെന്നുമാണ് ബി.എം.സി അധികൃതരുടെ വാദം.
content highlights: Not a Ground, Now a Convention Center; Controversy Ignites in Mumbai